أجمل ما قيل بالغزل
أجمل ما قيل بـ الغزل
و اذا ذكر الغزل ..ذكرت العراق الذي يزيد جمال لهجتها الغزل جمالا
وغنيلك غنه
بهداي بهداي
اعله خيبتنه
وسفنّه الراحت
ويه الروج حدّاري
وازعلك لذّتك
بالعشگ من تغتاظ
وتگطر شفافك
عسل گنطاري
وارضّيك ابْـ ولـَك
يابعد هاي وهاي
و اتعذر سنة
و ماتقبل اعذاري
و احبك من صدگ
من حب اهلنه الراح
مو حب هالوكت
و الشوگ طيّاري
يا رفـّة نبض
هنيال من حبّاك
وندگلك نذر
للصوت..
للطاري..
للبسمة التشع بالروح
شمس سطوح
وتتناثر شعر
ماتوصله اشعاري
صرت أشوفك أحلى ما مرسوم
بالدنيا و أرسمك
صرت أشوفك .. وين ما يطلع گمر
صرت اگل للناس حبّوا
هوايه حبّوا
ولا تخلون الربيع بلايه ورده
يالبعد عيناك اظل مثل اليتيم الماله احد
ياليحن الحنتي
وروحي اعله روحه بشوگ تنشد
هالتمر سنين وسنين
وهواك معاكس وياهه يتجدد
وصفولي عنك كل مسامة تفيض منك عطر
يالحسنك نهر
تنزل بصدري ويه النفس
وبدمي غصبن تنعجن
و أشهگ واصعدك للسما
بحسرات و بعنة حزن
حن بوي حن
يا شلعان الگلب يا أحله دوخة راس
عذابك چن فضل ومرورتك رحمة
يا أروَح عـذاب وألـذ شلـة حـال
من تگرب مصيبة ..وتبتعد أزمة
الشته كلّه اعده
والگيظ هم اتعده
شجاب العشگ ! واشودّه!
لابالمحطة رف ضوه
لاخط اجانه من البعد
لاريل مر على السدّه